ചൊവ്വാഴ്ച, ഡിസംബർ 25, 2018

227 രൂപ ചിലവില്‍ മൂന്ന് സംസ്ഥാനങ്ങളിലൂടെ ഒരു ബസ്സ് യാത്ര….



കര്‍ണ്ണാടകയിലെ ഗോപാല്‍സ്വാമി ബേട്ടയെപ്പറ്റി( ഗോപാല്‍ സ്വാമി ഹില്‍സ്സ് ) കേട്ടപ്പോഴേ ഇങ്ങോട്ടൊരു യാത്ര നടത്തുന്നതിനെപ്പറ്റി ആലോചിച്ചു...കൂറ്റനാട് വഴി കര്‍ണ്ണാടക സ്റ്റേറ്റിന്റെ മൈസ്സൂര്‍ ബസ്സ് കടന്നുപോകുന്നത് കാണുമ്പോഴൊക്കെ സുഹൃത്ത് ഷണ്‍മുഖേട്ടന്‍ പറയുമായിരുന്നു,ഒരു ദിവസം ഈ ബസ്സില്‍ കയറി മൈസ്സൂരിലേയ്ക്ക് പോകണമെന്ന്...എന്നാല്‍ മൈസ്സൂര്‍ വരെ എത്തിയില്ലെങ്കിലും ഇത്തവണ ഇതേ റൂട്ടിലുള്ള ഗോപാല്‍ സ്വാമിബേട്ട തിരഞ്ഞെടുക്കുന്നതിനെപ്പറ്റി രണ്ടിലൊന്ന് ആലോചിക്കേണ്ടിവന്നില്ല.
വാല്‍പ്പാറ,മസിനഗുഡി,ഊട്ടി,ചിന്നാര്‍ തുടങ്ങി വിദൂരങ്ങളായസ്ഥലങ്ങളിലേയ്ക്ക് നിരവധി തവണ ബസ്സ് യാത്രാ പരീക്ഷണങ്ങള്‍ നടത്തി വിജയിച്ചിട്ടുള്ളതിനാല്‍ ഈ യാത്രയും ലൈന്‍ബസ്സുകളിലാക്കുന്നതിനെപ്പറ്റി മറ്റൊരു ആലോചനയുടെ ആവശ്യമുണ്ടായിരുന്നില്ല.
15/10/2017 ഞായറാഴ്ച രാവിലെയാണ് യാത്ര ആരംഭിച്ചത്…. പെരിന്തല്‍മണ്ണയിലേയ്ക്ക് കൂറ്റനാട് വഴി കടന്നുപോകുന്ന 5.15 ന്റെ സൂപ്പര്‍ഫാസ്റ്റില്‍ ഞങ്ങള്‍ കയറി( ടിക്കറ്റ് ചാര്‍ജ്ജ് ഒരാള്‍ക്ക് 32 രൂപ )…. എന്നാല്‍ തുടക്കത്തിലേ പണി പാളുകയാണുണ്ടായത്… തിരുവനന്തപുരത്തുനിന്നും രാത്രി മുഴുവന്‍ ഓടി വരുന്ന ബസ്സ് ആകയാല്‍ ഡ്രൈവര്‍ വളരെ റിലാക്സ് ആയാണ് ബസ്സ് ഓടിച്ചിരുന്നത്.തന്‍മൂലം നമ്മുടെ ബസ്സ് പെരിന്തല്‍മണ്ണ കെ.എസ്.ആര്‍.ടി.സി. സ്റ്റാന്റിലെത്തിയത് ആറരയോടടുപ്പിച്ചാണ്… അപ്പോഴേയ്ക്കും അവിടെ നിന്നും ഗൂഡല്ലൂരിലേയ്ക്ക് പോകുന്ന 6.15 ന്റെ ബസ്സ് പോയിരുന്നു.ഞങ്ങള്‍ക്കത് കിട്ടിയില്ല.പിന്നീട് കിട്ടിയത് 6.50 ന്റെ സുല്‍ത്താന്‍ബത്തേരി ബസ്സാണ്… അതില്‍ കയറി നിലമ്പൂര്‍ വഴിക്കടവ് വഴി തമിഴ് നാട്ടിലെ നാടുകാണിയിലിറങ്ങി ( ടിക്കറ്റ് ചാര്‍ജ്ജ് ഒരാള്‍ക്ക് 62 രൂപ ) നാടുകാണിയില്‍ പത്തുമിനിറ്റുപോലും കാത്തുനില്‍ക്കേണ്ടി വന്നില്ല … തമിഴ് നാട് സര്‍ക്കാരിന്റെ ബസ്സെത്തി അതില്‍ 13 രൂപ കൊടുത്ത് മനോഹരമായ തേയിലത്തോട്ടങ്ങള്‍ കണ്ടുകൊണ്ട് ഗൂഡല്ലൂരിലേയ്ക്ക്.
ഗൂ‍ഡല്ലരിലെത്തിയപ്പോള്‍ ബസ്സ് സ്റ്റാന്റിന്റെ പുറത്ത് കാത്തുകിടക്കുന്നു ഗുണ്ടല്‍പേട്ട ബസ്സ് … ഡ്രൈവറോ കണ്ടക്ടറോ ആരും അതിനകത്തില്ല...ആദ്യം കയറുന്ന യാത്രക്കാര്‍ ഞങ്ങളും… മുന്നില്‍ത്തന്നെ സീറ്റും കിട്ടിയപ്പോള്‍ ഹാപ്പി...10.20 ന് ഉറക്കെ പാട്ടുംവച്ച് ബസ്സ് മുന്നോട്ട്...മുതുമല ടൈഗര്‍ റിസ്സര്‍വ്വ്, കര്‍ണ്ണാടകയിലെ ബന്ദിപ്പൂര്‍ ടൈഗര്‍ റിസ്സര്‍വ്വ് എന്നിവയിലൂടെ ബസ്സ് ഞങ്ങളുടെ അടുത്ത ലക്ഷ്യമായ കര്‍ണ്ണാടകയിലെ ഹംഗളയിലേയ്ക്ക്( ടിക്കറ്റ് ചാര്‍ജ്ജ് ഒരാള്‍ക്ക് 50രൂപ )… വഴിയിലൂടനീളം പുള്ളിമാന്‍കൂട്ടങ്ങള്‍… മയിലുകള്‍ ( ഈ റൂട്ടില്‍ രാവിലെ ആറുമണിയോടടുപ്പിച്ചാണ് എത്തുന്നതെങ്കില്‍ കൂടുതല്‍ മൃഗങ്ങളെ കാണാന്‍ സാധ്യതയുണ്ട്)
11.30 കഴിഞ്ഞപ്പോഴേയ്ക്കും ബസ്സ് ചെറിയൊരു അങ്ങാടിയായ ഹംഗളയിലെത്തി.. അവിടെ റോഡിന് കുറുകെ ഗോപാല്‍ സ്വാമി ഹില്‍സ്സ് എന്ന വലിയൊരു ബോര്‍ഡ് സ്ഥാപിച്ചിട്ടുണ്ട്.ഹംഗളയില്‍ നിന്നും ഗോപാല്‍ സ്വാമി ഹില്‍സ്സിലേയ്ക്ക് പത്ത് കിലോമീറ്ററോളം ഉള്ളതില്‍ അഞ്ച് കിലോമീറ്ററോളം ദൂരം ഞങ്ങളെത്തിയ സമയത്തിന് ബസ്സ് ഇല്ലാതിരുന്നതിനാല്‍ ഓട്ടോറിക്ഷ,അല്ലെങ്കില്‍ കാര്‍ എന്നിവയെ ആശ്രയിയ്ക്കേണ്ട സാഹചര്യം ഉണ്ടായി… പലരോടും ചോദിച്ചതില്‍ ആ സമയത്ത് ബസ്സ് ഉണ്ട് ,ബസ്സ് ഇല്ല എന്ന വ്യത്യസ്ത വിവരങ്ങള്‍ ലഭിച്ചതിനാല്‍ കുറച്ചുനേരം കാത്തുനിന്നു… ഓട്ടോറിക്ഷയ്ക്ക് ചാര്‍ജ്ജ് അന്വേഷിച്ചതില്‍ നൂറ് രൂപ എന്ന് പറഞ്ഞതിനാല്‍ കുറച്ചുനേരം കൂടികാത്തുനിന്നു.പിന്നീട് വന്ന രണ്ട് കര്‍ണ്ണാടകസ്റ്റേറ്റിന്റെ ബസ്സുകളില്‍ അന്വേഷിച്ചതില്‍ അവയും ആ വഴി പോകുന്നതായിരുന്നില്ല.ഞങ്ങള്‍ ബസ്സ് കണ്ടക്ടറോട് വിവരം അന്വേഷിയ്ക്കുന്നതു കണ്ട ഒരാള്‍ വന്നുപറഞ്ഞു തന്റെ കസ്റ്റഡിയില്‍ ഇന്‍ഡിക്ക കാറുണ്ട് അതിന് 150 രൂപ തന്നാല്‍ മതിയെന്ന്...അപ്പോഴും ‍ഞങ്ങള്‍ മടിച്ചപ്പോള്‍ അത് 100 രൂപയാക്കി ഡിസ്കൌണ്ട് ചെയ്തുതുതന്നു..( പണം ചിലവഴിയ്ക്കുന്നതില്‍ പിശുക്കുണ്ടായിട്ടല്ല,നമ്മളെ കബളിപ്പിയ്ക്കാന്‍ മറ്റാര്‍ക്കും അവസരം കൊടുക്കരുതെന്ന ആഗ്രഹമുള്ളതുകൊണ്ടാണ് മടിച്ചുനിന്നത്).എന്നാല്‍ യാത്ര കര്‍ണ്ണാടക ഫോറസ്റ്റ് ഡിപ്പാര്‍ട്ട്മെന്റിന്റെ ചെക്ക്പോസ്റ്റില്‍ അവസാനിച്ചപ്പോഴാണ് ഓട്ടോറിക്ഷക്കാരും കാറുകാരനും ചോദിച്ച നൂറ് രൂപ അധികമല്ലെന്ന മനസ്സിലായത്..അത്യാവശ്യം ദൂരമുണ്ട്… നടക്കുക എന്ന സാഹത്തിന് മുതിരാതിരുന്നത് നന്നായി എന്ന് മനസ്സിലായി.തന്നെയുമല്ല ഫോറസ്റ്റ് ഡിപ്പാര്‍ട്ട്മെന്റിന്റെ ചെക്ക്പോസ്റ്റുവരെയുള്ള പാത അങ്ങോട്ടുമാത്രമുള്ളതായതിനാല്‍ മറ്റുവാഹനങ്ങള്‍ കിട്ടാനും പ്രയാസമാകും എന്നും മനസ്സിലായി.ഇത് ഒറ്റപ്പെട്ട സ്ഥലമായതിനാല്‍ അപൂര്‍വ്വമായി മാത്രമേ റൂട്ട് ബസ്സ് ഉള്ളൂ...
ഫോറസ്റ്റ് ഡിപ്പാര്‍ട്ട്മെന്റിന്റെ ചെക്ക്പോസ്റ്റുവരെ മാത്രമേ സഞാരികളുടെ വാഹനങ്ങളേയും അനുവദിയ്ക്കുകയുള്ളൂ… അവിടെ നിന്നും കര്‍ണ്ണാടക സര്‍ക്കരിന്റെ ബസ്സ് ഓരോ അഞ്ച് പത്ത് മിനിറ്റുകളിലും മലമുകളിലേയ്ക്ക് പുറപ്പെടുന്നു… ടിക്കറ്റ് ചാര്‍ജ്ജ് 20 രൂപ… ബസ്സ് മലമുകളിലേയ്ക്ക സാവകാശം ചുരം കയറുന്നു… മുകളിലേയ്ക്ക് കയറുന്തോറും കര്‍ണ്ണാകയിലെ ഗ്രാമങ്ങളുടേയും കൃഷിയിടങ്ങളുടേയും മനോഹരമായ കാഴ്ചകള്‍ … ചുരം കയറിച്ചെന്നപ്പോള്‍ മലഞ്ചെരുവില്‍ ഒരു കൊമ്പനാന( ഒറ്റയാന്‍)ശാന്തനായി മേയുന്നു.തിരിച്ചുവരുമ്പോള്‍ അവന്‍ കുറച്ചുകൂടി അടുത്തായതിനാല്‍ ഡ്രൈവര്‍ കുറച്ചുനേരം വണ്ടി നിര്‍ത്തിത്തന്നു.
ബന്ദിപ്പൂര്‍ ടൈഗര്‍ റിസര്‍വ്വിനകത്ത് സ്ഥിതി ചെയ്യുന്ന ക്ഷത്രനട…. നിരവധി വിശ്വാസികള്‍… വളരെയധികം സഞ്ചാരികള്‍..ക്ഷേത്രമുറ്റത്ത് വീശിയടിയ്ക്കുന്ന തണുത്തകാറ്റ് ( ചിലനേരം കോടമഞ്ഞ്)….സമീപത്തെ കുന്നിന്‍മുകളില്‍ ആനയും പുള്ളിമാനുകളും കലമാനും...ക്ഷേത്ര പരിസരത്ത് ഒരുതരത്തിലുള്ള കച്ചവടമോ സൌകര്യങ്ങളോ ഒന്നുമില്ലെങ്കിലും പ്രകൃതി നല്‍കുന്ന വിരുന്ന് അവാച്യമാണ്...തിരിച്ചിറങ്ങാന്‍ പെട്ടെന്ന് ബസ്സ് ഉണ്ടായിരുന്നതിനാലും ബന്ദിപ്പൂരില്‍ സഫാരി പ്ളാന്‍ ചെയ്തിരുന്നതിനാലും.. അധികം വൈകാതെ മടക്കം…
ബന്ദിപ്പൂര്‍ ടൈഗര്‍ റിസര്‍വ്വില്‍ 3.30- 4.30-5.30 സമയക്രമങ്ങളില്‍ നടത്തുന്ന സഫാരികളില്‍ 4.30 ന്റെ സഫാരിയില്‍ പങ്കെടുത്ത് രാത്രി പന്ത്രണ്ട് മണിയോടുകൂടി കൂറ്റനാട്ട് തിരിച്ചെത്തി. ( post by Shino jacob Koottanad - travel companion m Shanmukhan)

Gopalaswamy Hills/Himavad Gopalaswamy Betta,Karnataka



മുള്ളി - മ‍‌ഞ്ചൂര്‍ - അവ് ലാഞ്ച് - ഊട്ടി , ഒരു ഫാമിലി ട്രിപ്പ്...


ഊട്ടിയിലേയ്ക്ക് അട്ടപ്പാടി-മുള്ളി-മഞ്ചൂര്‍ വഴിയുള്ള യാത്ര വളരെയേറെ വ്യത്യസ്ഥമാണ്...മുന്‍പ് പലതവണ ഈവഴി സഞ്ചരിച്ചിട്ടുണ്ടെങ്കിലും,ഇത്തവണ കുടുംബവും കസിന്‍ സൗമ്യ , ഭര്‍ത്താവ് ആരോമല്‍ എന്നിവരും ഒപ്പമുണ്ടായിരുന്നു.6/11/2016 ഞായറാഴ്ച്ച രാവിലെ ആറ് മണിയ്ക്ക് കൂറ്റനാട് നിന്നും തുടങ്ങിയ യാത്രയുടെ ആദ്യഘട്ട ലക്ഷ്യസ്ഥാനം സൈലന്റ് വാലി നാഷണല്‍പാര്‍ക്കിന്റെ ഓഫീസ് സ്ഥിതിചെയ്യുന്ന മുക്കാലി ആയിരുന്നു.മുക്കാലി എത്തുന്നതിന് മുന്‍പ് അട്ടപ്പാടി ചുരത്തിലെ വ്യൂ പോയിന്റില്‍ വണ്ടി നിര്‍ത്തി.
വ്യൂ പോയിന്റില്‍,പ്രഭാതത്തിലെ തണുപ്പില്‍ മരത്തിന്‍മുകളില്‍ വികൃതി കാട്ടുന്ന കുരങ്ങിന്‍കൂട്ടം...ഫോട്ടോയ്ക്കും സെല്‍ഫിയ്ക്കുമെല്ലാം ഭംഗിയായി പോസ് ചെയ്ത കുരങ്ങിന്‍ കൂട്ടം യാത്രാംഗങ്ങളായ അഥീനയ്ക്കും ആദിത്യനും വലിയ സന്തോഷമാണ് നല്‍കിയത്.അവിടുത്തെ കാഴ്ചകള്‍ക്ക് ശേഷം ഞങ്ങള്‍ മുക്കാലി ഫോറസ്റ്റ് ഓഫീസിലെത്തി.അവിടെ സ‍ഞ്ചാരികളേയുംകൊണ്ട് വാഹനങ്ങള്‍ സൈരന്ധ്രിയിലേയ്ക്ക് നീങ്ങിത്തുടങ്ങുന്നു.... കുറച്ചുനേരം അവിടെ ചിലവഴിച്ചശേഷം അടുത്ത ലക്ഷ്യമായ അട്ടപ്പാടിയിലെ ജയേട്ടന്റെ തോട്ടത്തിലേയ്ക്ക് നീങ്ങി.കൂറ്റനാട് സ്വദേശിയായ എന്‍.പി.ജയന്റെ ചാവടിയൂരിനടുത്തുള്ള ഭവാനിപ്പുഴയുടെ ഓരത്തുള്ള ആറരഏക്കര്‍ തോട്ടത്തിലെത്തിയതും ഞങ്ങള്‍ പുഴയോരത്തേയ്ക്ക് നീങ്ങി...യാത്രയില്‍ ചെറിയ ക്ഷീണം അനുഭവപ്പെട്ട ആദിത്യന്‍ ഭവാനിപ്പുഴയില്‍ ഗംഭീരമായൊരു നീരാട്ടുനടത്തി...ഇത് കിഴക്കോട്ടൊഴുകുന്ന ഭവാനിപ്പുഴയാണല്ലോ എന്നതില്‍ അഥീനയ്ക്ക് ആഹ്ലാദം... പുഴയുടെ മറുകരയിലെ വനം തമിഴ് നാടാണെന്നറിഞ്ഞപ്പോള്‍ ആദ്യമായി തമിഴ് നാട്ടിലേയ്ക്ക് പോകുന്ന ഷീജയ്ക്ക് ആശ്ചര്യം...ഭവാനിപ്പുഴയുടെ പശ്ചാത്തലത്തില്‍ ഫോട്ടോകളെടുക്കുന്ന സൗമ്യയും ആരോമലും...പുഴയില്‍ ഒരു പാറപ്പുറത്തിരിയ്ക്കുന്ന നീര്‍കാക്കയിലായിരുന്ന എന്റെ ശ്രദ്ധ...
കേരളത്തിന്റെ തനത് പച്ചപ്പില്‍ നിന്നും അട്ടപ്പാടിയിലെ വരണ്ടഭൂമിയിലേയ്ക്ക് കടന്നപ്പോള്‍ വന്ന പ്രകൃതിയുടെ മാറ്റം യാത്രക്കാരില്‍ തെല്ലൊന്നുമല്ല കൗതുകം ജനിപ്പിച്ചത്..വലിയ മലനിരകളും കൃഷിയിടങ്ങളും...ഭവാനിപ്പുഴയുടെ വിശാലത...മലമുകളിലെ കാറ്റാടി യന്ത്രവും റോ‍ഡിലൂടെ നീങ്ങുന്ന കഴുതക്കൂട്ടവും..തട്ടുതട്ടായി തിരിച്ച കൃഷിയിടങ്ങളും മേടുകളില്‍ മേഞ്ഞുനടക്കുന്ന കാലിക്കൂട്ടവും...കാര്‍ഷിക ജനതയും... അങ്ങിനെ.... അങ്ങിനെ...
ഭവാനിപ്പുഴയിലെ കാഴ്ചകള്‍ക്ക് ശേ‍ഷം യാത്ര പുനരാരംഭിച്ചു..അടുത്ത ലക്ഷ്യം കേരളാ അതിര്‍ത്തിയായ മുള്ളി ആയിരുന്നു.ഇപ്പോഴവിടെ കേരളാ പോലീസിന്റെ ടൂറിസ്റ്റ് പ്രൊട്ടക്ഷന്‍ സെന്റര്‍ സ്ഥാപിച്ചിട്ടുണ്ട്.അവിടുത്തെ വാഹന പരിശോധനയ്ക്ക് ശേഷം തമിഴ് നാട്ടിലേയ്ക്ക് … തമിഴ് നാടിന്റെ ചെക്ക്പോസ്റ്റില്‍ സാധാരണ പരിശോധനയ്ക്ക് പുറമേ തമിഴ് നാട് പോലീസിന്റെ കര്‍ശന പരിശോധനയും.. മുള്ളി വഴി വാഹനം കൊണ്ടുപോകുമ്പോള്‍ ശ്രദ്ധിയ്ക്കേണ്ട കാര്യം,ടാക്സി വണ്ടിയാണെങ്കില്‍ വണ്ടിയ്ക്ക് തമിഴ് നാട്ടിലേയ്ക്ക് കടക്കുന്നതിനുള്ള പെര്‍മിറ്റ് മുന്‍കൂട്ടി ഉണ്ടായിരിയ്ക്കണം എന്നതാണ്...മറ്റുള്ള പ്രധാനപ്പെട്ട ചെക്പോസ്റ്റുകളില്‍ കേരളാ മോട്ടോര്‍വാഹന വകുപ്പിന്റെ കൂടി ചെക്പോസ്റ്റുകള്‍ കൂടി ഉള്ളതുകൊണ്ട് ,ഓണ്‍ ദി സ്പോട്ട് പെര്‍മിറ്റ് വാങ്ങാന്‍ കഴിയും.. എന്നാല്‍ മുള്ളിയില്‍ അതിനുള്ള സൗകര്യമില്ല ,ഇവിടെ പോലീസിന്റെ ചെക്ക്പോസ്റ്റ് മാത്രമേയുള്ളൂ... ആതിരപ്പിള്ളി വഴി വാല്‍പ്പാറയ്ക്ക് പോകുമ്പോഴും ഇത് ശ്രദ്ധിയ്ക്കേണ്ടതാണ്...
മുള്ളി ചെക്പോസ്റ്റ് കഴിഞ്ഞതും തികച്ചും ശാന്തമായ , ഒട്ടും ഗതാഗത തിരക്കില്ലാത്ത, വനപ്രദേശത്തുകൂടിയായി സഞ്ചാരം...‌‍ഡ്രൈവര്‍ ഭരതന്‍ ഓരോ ഹെയര്‍പിന്‍ വളവുകളും ശ്രദ്ധിച്ച് കയറ്റിക്കൊണ്ടിരുന്നു...പോകും വഴിയില്‍ കനഡാ പവര്‍ഹൗസിന്റെ ഭംഗിയുള്ള കാഴ്ച.. മഞ്ചൂരിലേയ്ക്കുള്ള ഈ വഴി മുഴുവന്‍ തമിഴ് നാടിന്റെ വരണ്ട കാടുകളാണ് ചുരത്തില്‍ മുഴുവന്‍... 43 ഹെയര്‍പിന്‍ വളവുകള്‍ കയറുന്നതിനിടെ നിരവധി സ്ഥലത്ത് കാഴ്ചകാണാനായി ഞങ്ങള്‍ വണ്ടി നിര്‍ത്തി … വഴിയില്‍ കണ്ട പക്ഷികളെയെല്ലാം നിരീക്ഷിച്ച് ക്യാമറയിലാക്കാന്‍ ആരോമല്‍ നേതൃത്വം നല്‍കി...ഹെയര്‍പിന്‍ വളവുകള്‍ കയറി കയറി ഉച്ചയോടെ ഞങ്ങള്‍ മഞ്ചൂരിലെത്തി.ഊട്ടിയുടെ ഭാഗമായ മഞ്ചൂര്‍ നല്ല ഭംഗിയുള്ള സ്ഥലമാണ്... മഞ്ചൂര്‍ എത്തുന്നതിന് തൊട്ടുമുന്‍പ് തേയിലത്തോട്ടത്തില്‍ ഇരുപതോളം വരുന്ന കാട്ടുപോത്തുകളുടെ സംഘമാണ് ഞങ്ങളെ കാത്തുനിന്നിരുന്നതെങ്കില്‍ മഞ്ചൂര്‍ വിട്ടപ്പോള്‍ വണ്ടിയ്ക്കുമുന്നിലെത്തിയത് കിടിലനൊരു കാട്ടുപന്നിയാണ്...
ഉച്ചഭക്ഷണശേഷം മഞ്ചൂരില്‍ നിന്നും പുറപ്പെട്ട് അടുത്ത ലക്ഷ്യമായ അവ് ലാഞ്ചിലേയ്ക്ക് തിരിച്ചു..ഊട്ടിയിലേയ്ക്കും പോകുവഴി ആറ് കിലോമീറ്റര്‍ ഉള്ളിലേയ്ക്ക് കയറിയാണ് അവ് ലാഞ്ച് സ്ഥിതിചെയ്യുന്നത്.പോകുവഴിയിലുടനീളം കൃഷിഭൂമികള്‍..ക്യാരറ്റ്,ബീറ്റ് റൂട്ട്,കേബേജ്,കോളിഫ്ലവര്‍,ഉരുളക്കിഴങ്ങ് തുടങ്ങിയ വിവിധയിനം കൃഷികള്‍.. ജലസേചനത്തിനുള്ള വിവിധ മാര്‍ഗ്ഗങ്ങള്‍.. ആ വഴിയില്‍ പച്ചക്കറിയിനങ്ങളുടെ കണക്കെടുക്കുന്ന തിരക്കിലായിരുന്നു സൗമ്യയും ഷീജയും...
അവ് ലാഞ്ചിലെത്തിയപ്പോള്‍ മരത്തിന് മുകളില്‍ കാത്തിരുന്നത് കരിങ്കുങ്ങുകളും മലയണ്ണാനും നാടന്‍കുരങ്ങുകളും വിവിധയിനം പക്ഷികളും. ആദിത്യനും അഥീനയും ഷീജയും സൗമ്യയും കുരങ്ങന്‍മാരോട് എന്തൊക്കെയോ സംസാരിയ്ക്കുന്നത് കണ്ടു... കുരങ്ങുകളുടെ മാതൃസ്നേഹവും ഉണ്ണിക്കുരങ്ങന്‍മാരുടെ ഓമനത്വവും അവരുടെ ചര്‍ച്ചാവിഷയമായി...
അവ് ലാ‍ഞ്ചില്‍ നിന്നും പോയവഴിതന്നെ മടങ്ങി ഊട്ടി റോഡില്‍ തിരിച്ചെത്തി... വിശാലമായ കൃഷിയിടങ്ങളും തേയിലത്തോട്ടങ്ങളും കടന്ന് മുഖ്യലക്ഷ്യമായ ഊട്ടിയിലേയ്ക്ക് … ഊട്ടിയിലെത്തിയതും ലേക്കിലേയ്ക്ക് തിരിച്ചു... അവിടെ നിരവധി കച്ചവടങ്ങള്‍ … കുതിരസവാരി... പതിനായിരം രൂപ കയ്യിലുണ്ടായാലും തികയാത്ത അവസ്ഥയാവും ഷോപ്പിംഗ് പ്രേമികള്‍ക്ക്....ചെറിയ പേക്കറ്റുകളില്‍ ഊട്ടി ആപ്പിളും സ്ട്രോബറിയും...ആര്‍ക്കും വേണ്ടെങ്കിലും മസാലപുരട്ടിയ ഒരുപേക്കറ്റ് ചെത്തിയമാങ്ങ ഇരുപത് രൂപകൊടുത്ത് ഞാന്‍ വാങ്ങിവെച്ചു...പക്ഷേ വണ്ടിയിലെത്തുംമുന്‍പേ സഹയാത്രികര്‍ അത് തിന്നുതീര്‍ത്തു.ആ വിവരം ഞാന്‍ അറിഞ്ഞത് വണ്ടി ഊട്ടി വിട്ടതിന് ശേഷം മാത്രമാണ്...
ഊട്ടി ലേക്കിലെ കാഴ്ചകള്‍ക്ക് ശേ‍ഷം ,ഊട്ടി റെയില്‍വേ സ്റ്റേഷനിലേയ്ക്ക് ( ഉദഗമണ്‍ഡലം) ആറ് മണിയുടെ ഹില്‍ ട്രെയിന്‍ വരാന്‍ സമയമായിരിയ്ക്കുന്നു. ട്രെയിനില്‍ കയറാന്‍ ടിക്കറ്റെടുത്ത് ക്യൂവില്‍ നില്‍ക്കുന്ന യാത്രക്കാര്‍ …. ഫ്ലാറ്റ്ഫോം ടിക്കറ്റെടുത്ത് ഞങ്ങള്‍ ഫ്ലാറ്റ്ഫോമില്‍ പ്രവേശിച്ചതും ദൂരെ ട്രയിനിന്റെ ചൂളംവിളി...യാത്രക്കാരുടെ ആര്‍പ്പുവിളി... വായ്ക്കുരവയിട്ടും ശബ്ദഘോഷമുയര്‍ത്തിയും ട്രെയിനിനെ സ്വീകരിച്ചത് ചെറുപ്പക്കാരായ വിനോദ സഞ്ചാരികള്‍..ഞങ്ങള്‍ ചെന്നപ്പോഴേയ്ക്കും ട്രെയിനിന്റെ ടിക്കറ്റുകളെല്ലാം വിറ്റുതീര്‍ന്നിരുന്നു.പക്ഷേ ട്രെയിന്‍ യാത്ര ഞങ്ങളുടെ പരിപാടിയുടെ ഭാഗമല്ലായിരുന്നതിനാല്‍ ഞങ്ങള്‍ക്കതൊരു പ്രശ്നമായിരുന്നില്ല.എന്നാലും ട്രെയിന്‍ കാണാന്‍ കഴിഞ്ഞു എന്നത് വലിയൊരു സന്തോഷമായി...
ഊട്ടി ട്രെയിന്‍ കണ്ടുകഴിഞ്ഞതും ആറുമണിയോടുകൂടി ഊട്ടിയില്‍ നിന്നും മടക്കം... കുനൂര്‍,മേട്ടുപ്പാളയം,കോയമ്പത്തൂര്‍,പാലക്കാട്,കൂറ്റനാട് ...കോയമ്പത്തൂര്‍ മുതല്‍ പാലക്കാട് വരെ വിശാലമായ ഹൈവേയിലൂടെ കുതിച്ചുപായുന്ന വാഹനങ്ങള്‍... വാളയാര്‍ ചെക്പോസ്റ്റിലെ ചരക്കുവാഹനങ്ങളുടെ നീണ്ട നിര... രാത്രി പന്ത്രണ്ട് മണിയോടുകൂടി നാനൂറ് കിലോമീറ്ററോളം സഞ്ചരിച്ച് കൂറ്റനാട് തിരിച്ചെത്തി... പതിനെട്ട് മണിക്കൂറോളം നീണ്ട യാത്ര എല്ലാവരേയും പെട്ടെന്ന് നിദ്രയിലാഴ്ത്തി...പിറ്റേന്ന് കാലത്ത് എറണാകുളത്തെ ജോലിസ്ഥലത്തേയ്ക്ക് തിരിച്ചുപോവാനുള്ള ആരോമലിനേയും സൗമ്യയേയും രാവിലെ ഏഴ് മണിയോടുകൂടി യാത്രയാക്കി.കുട്ടികള്‍ രണ്ടുപേരും യാത്രാക്ഷീണം നിമിത്തം സ്കൂളില്‍ പോകുന്നില്ല എന്ന് മുന്‍കൂട്ടി പറഞ്ഞിരുന്നു... ഞാന്‍ ജോലിയ്ക്ക് പോകാനിറങ്ങുംനേരം ഒരു അശരീരി മുഴങ്ങി... ഊട്ടിയില്‍ അധികനേരം ചിലവഴിയ്ക്കാന്‍ പറ്റിയില്ല.... കോയമ്പത്തൂര്‍ ടൗണും പാലക്കാട് ടൗണും ഹൈവേയും പകല്‍വെളിച്ചത്തില്‍ കാണാന്‍ പറ്റിയില്ല.... അത് ഈ യാത്രയുടെ ഒരു ന്യൂനതയല്ലേ...
അതിനെന്റെ മറുപടി ഇപ്രകാരമായിരുന്നു... നമ്മുടെ പ്രദേശത്തുനിന്നും ഊട്ടി കാണാന്‍ പോയവരാരും അട്ടപ്പാടി കണ്ടിട്ടില്ല... ഭവാനിപ്പുഴയില്‍ കുളിച്ചിട്ടില്ല...മുള്ളി കണ്ടിട്ടില്ല … മുള്ളിയിലെ ചുരം കയറിയിട്ടില്ല...മുള്ളിയിലെ കാടുകള്‍ കണ്ടിട്ടില്ല...മഞ്ചൂരും ,മഞ്ചൂരിലെ തോട്ടങ്ങളും ക്യാരറ്റ് കൃഷി.ബീറ്റ്റൂട്ട് കൃഷി,ഉരുളക്കിഴങ്ങ് കൃഷി എന്നിവയൊന്നും കണ്ടിട്ടില്ല... അവ് ലാഞ്ച് കണ്ടിട്ടില്ല... കാട്ടുപോത്തിനേയും കരിങ്കുരങ്ങിനേയും കാട്ടുപന്നിയേയും മലയണ്ണാനേയും കണ്ടിട്ടില്ല...വിശാലമായ കൃഷിയിടങ്ങളിലൂടെ സ്വസ്ഥമായി സഞ്ചരിച്ചിട്ടില്ല... ഇത് ഇങ്ങിനെയൊരു യാത്ര... യാത്രകള്‍ ഒരിയ്ക്കലും പൂര്‍ണ്ണമാകുന്നില്ല... ഇനിയും നമുക്ക് പോകാം... അടുത്തതെന്തായാലും പറമ്പിക്കുളമോ വാല്‍പ്പാറയോ ആക്കിയേക്കാം....
by - ഷിനോ ജേക്കബ് കൂറ്റനാട്

വെള്ളിയാഴ്‌ച, ഡിസംബർ 14, 2018

227 രൂപ ചിലവില്‍ മൂന്ന് സംസ്ഥാനങ്ങളിലൂടെ ഒരു ബസ്സ് യാത്ര….


കര്‍ണ്ണാടകയിലെ ഗോപാല്‍സ്വാമി ബേട്ടയെപ്പറ്റി( ഗോപാല്‍ സ്വാമി ഹില്‍സ്സ് ) കേട്ടപ്പോഴേ ഇങ്ങോട്ടൊരു
വാല്‍പ്പാറ,മസിനഗുഡി,ഊട്ടി,ചിന്നാര്‍ തുടങ്ങി വിദൂരങ്ങളായസ്ഥലങ്ങളിലേയ്ക്ക് നിരവധി തവണ ബസ്സ് യാത്രാ പരീക്ഷണങ്ങള്‍ നടത്തി വിജയിച്ചിട്ടുള്ളതിനാല്‍ ഈ യാത്രയും ലൈന്‍ബസ്സുകളിലാക്കുന്നതിനെപ്പറ്റി മറ്റൊരു ആലോചനയുടെ ആവശ്യമുണ്ടായിരുന്നില്ല.
15/10/2017 ഞായറാഴ്ച രാവിലെയാണ് യാത്ര ആരംഭിച്ചത്…. പെരിന്തല്‍മണ്ണയിലേയ്ക്ക് കൂറ്റനാട് വഴി കടന്നുപോകുന്ന 5.15 ന്റെ സൂപ്പര്‍ഫാസ്റ്റില്‍ ഞങ്ങള്‍ കയറി( ടിക്കറ്റ് ചാര്‍ജ്ജ് ഒരാള്‍ക്ക് 32 രൂപ )…. എന്നാല്‍ തുടക്കത്തിലേ പണി പാളുകയാണുണ്ടായത്… തിരുവനന്തപുരത്തുനിന്നും രാത്രി മുഴുവന്‍ ഓടി വരുന്ന ബസ്സ് ആകയാല്‍ ഡ്രൈവര്‍ വളരെ റിലാക്സ് ആയാണ് ബസ്സ് ഓടിച്ചിരുന്നത്.തന്‍മൂലം നമ്മുടെ ബസ്സ് പെരിന്തല്‍മണ്ണ കെ.എസ്.ആര്‍.ടി.സി. സ്റ്റാന്റിലെത്തിയത് ആറരയോടടുപ്പിച്ചാണ്… അപ്പോഴേയ്ക്കും അവിടെ നിന്നും ഗൂഡല്ലൂരിലേയ്ക്ക് പോകുന്ന 6.15 ന്റെ ബസ്സ് പോയിരുന്നു.ഞങ്ങള്‍ക്കത് കിട്ടിയില്ല.പിന്നീട് കിട്ടിയത് 6.50 ന്റെ സുല്‍ത്താന്‍ബത്തേരി ബസ്സാണ്… അതില്‍ കയറി നിലമ്പൂര്‍ വഴിക്കടവ് വഴി തമിഴ് നാട്ടിലെ നാടുകാണിയിലിറങ്ങി ( ടിക്കറ്റ് ചാര്‍ജ്ജ് ഒരാള്‍ക്ക് 62 രൂപ ) നാടുകാണിയില്‍ പത്തുമിനിറ്റുപോലും കാത്തുനില്‍ക്കേണ്ടി വന്നില്ല … തമിഴ് നാട് സര്‍ക്കാരിന്റെ ബസ്സെത്തി അതില്‍ 13 രൂപ കൊടുത്ത് മനോഹരമായ തേയിലത്തോട്ടങ്ങള്‍ കണ്ടുകൊണ്ട് ഗൂഡല്ലൂരിലേയ്ക്ക്.
ഗൂ‍ഡല്ലരിലെത്തിയപ്പോള്‍ ബസ്സ് സ്റ്റാന്റിന്റെ പുറത്ത് കാത്തുകിടക്കുന്നു ഗുണ്ടല്‍പേട്ട ബസ്സ് … ഡ്രൈവറോ കണ്ടക്ടറോ ആരും അതിനകത്തില്ല...ആദ്യം കയറുന്ന യാത്രക്കാര്‍ ഞങ്ങളും… മുന്നില്‍ത്തന്നെ സീറ്റും കിട്ടിയപ്പോള്‍ ഹാപ്പി...10.20 ന് ഉറക്കെ പാട്ടുംവച്ച് ബസ്സ് മുന്നോട്ട്...മുതുമല ടൈഗര്‍ റിസ്സര്‍വ്വ്, കര്‍ണ്ണാടകയിലെ ബന്ദിപ്പൂര്‍ ടൈഗര്‍ റിസ്സര്‍വ്വ് എന്നിവയിലൂടെ ബസ്സ് ഞങ്ങളുടെ അടുത്ത ലക്ഷ്യമായ കര്‍ണ്ണാടകയിലെ ഹംഗളയിലേയ്ക്ക്( ടിക്കറ്റ് ചാര്‍ജ്ജ് ഒരാള്‍ക്ക് 50രൂപ )… വഴിയിലൂടനീളം പുള്ളിമാന്‍കൂട്ടങ്ങള്‍… മയിലുകള്‍ ( ഈ റൂട്ടില്‍ രാവിലെ ആറുമണിയോടടുപ്പിച്ചാണ് എത്തുന്നതെങ്കില്‍ കൂടുതല്‍ മൃഗങ്ങളെ കാണാന്‍ സാധ്യതയുണ്ട്)
11.30 കഴിഞ്ഞപ്പോഴേയ്ക്കും ബസ്സ് ചെറിയൊരു അങ്ങാടിയായ ഹംഗളയിലെത്തി.. അവിടെ റോഡിന് കുറുകെ ഗോപാല്‍ സ്വാമി ഹില്‍സ്സ് എന്ന വലിയൊരു ബോര്‍ഡ് സ്ഥാപിച്ചിട്ടുണ്ട്.ഹംഗളയില്‍ നിന്നും ഗോപാല്‍ സ്വാമി ഹില്‍സ്സിലേയ്ക്ക് പത്ത് കിലോമീറ്ററോളം ഉള്ളതില്‍ അഞ്ച് കിലോമീറ്ററോളം ദൂരം ഞങ്ങളെത്തിയ സമയത്തിന് ബസ്സ് ഇല്ലാതിരുന്നതിനാല്‍ ഓട്ടോറിക്ഷ,അല്ലെങ്കില്‍ കാര്‍ എന്നിവയെ ആശ്രയിയ്ക്കേണ്ട സാഹചര്യം ഉണ്ടായി… പലരോടും ചോദിച്ചതില്‍ ആ സമയത്ത് ബസ്സ് ഉണ്ട് ,ബസ്സ് ഇല്ല എന്ന വ്യത്യസ്ത വിവരങ്ങള്‍ ലഭിച്ചതിനാല്‍ കുറച്ചുനേരം കാത്തുനിന്നു… ഓട്ടോറിക്ഷയ്ക്ക് ചാര്‍ജ്ജ് അന്വേഷിച്ചതില്‍ നൂറ് രൂപ എന്ന് പറഞ്ഞതിനാല്‍ കുറച്ചുനേരം കൂടികാത്തുനിന്നു.പിന്നീട് വന്ന രണ്ട് കര്‍ണ്ണാടകസ്റ്റേറ്റിന്റെ ബസ്സുകളില്‍ അന്വേഷിച്ചതില്‍ അവയും ആ വഴി പോകുന്നതായിരുന്നില്ല.ഞങ്ങള്‍ ബസ്സ് കണ്ടക്ടറോട് വിവരം അന്വേഷിയ്ക്കുന്നതു കണ്ട ഒരാള്‍ വന്നുപറഞ്ഞു തന്റെ കസ്റ്റഡിയില്‍ ഇന്‍ഡിക്ക കാറുണ്ട് അതിന് 150 രൂപ തന്നാല്‍ മതിയെന്ന്...അപ്പോഴും ‍ഞങ്ങള്‍ മടിച്ചപ്പോള്‍ അത് 100 രൂപയാക്കി ഡിസ്കൌണ്ട് ചെയ്തുതുതന്നു..( പണം ചിലവഴിയ്ക്കുന്നതില്‍ പിശുക്കുണ്ടായിട്ടല്ല,നമ്മളെ കബളിപ്പിയ്ക്കാന്‍ മറ്റാര്‍ക്കും അവസരം കൊടുക്കരുതെന്ന ആഗ്രഹമുള്ളതുകൊണ്ടാണ് മടിച്ചുനിന്നത്).എന്നാല്‍ യാത്ര കര്‍ണ്ണാടക ഫോറസ്റ്റ് ഡിപ്പാര്‍ട്ട്മെന്റിന്റെ ചെക്ക്പോസ്റ്റില്‍ അവസാനിച്ചപ്പോഴാണ് ഓട്ടോറിക്ഷക്കാരും കാറുകാരനും ചോദിച്ച നൂറ് രൂപ അധികമല്ലെന്ന മനസ്സിലായത്..അത്യാവശ്യം ദൂരമുണ്ട്… നടക്കുക എന്ന സാഹത്തിന് മുതിരാതിരുന്നത് നന്നായി എന്ന് മനസ്സിലായി.തന്നെയുമല്ല ഫോറസ്റ്റ് ഡിപ്പാര്‍ട്ട്മെന്റിന്റെ ചെക്ക്പോസ്റ്റുവരെയുള്ള പാത അങ്ങോട്ടുമാത്രമുള്ളതായതിനാല്‍ മറ്റുവാഹനങ്ങള്‍ കിട്ടാനും പ്രയാസമാകും എന്നും മനസ്സിലായി.ഇത് ഒറ്റപ്പെട്ട സ്ഥലമായതിനാല്‍ അപൂര്‍വ്വമായി മാത്രമേ റൂട്ട് ബസ്സ് ഉള്ളൂ...
യാത്ര നടത്തുന്നതിനെപ്പറ്റി ആലോചിച്ചു...കൂറ്റനാട് വഴി കര്‍ണ്ണാടക സ്റ്റേറ്റിന്റെ മൈസ്സൂര്‍ ബസ്സ് കടന്നുപോകുന്നത് കാണുമ്പോഴൊക്കെ സുഹൃത്ത് ഷണ്‍മുഖേട്ടന്‍ പറയുമായിരുന്നു,ഒരു ദിവസം ഈ ബസ്സില്‍ കയറി മൈസ്സൂരിലേയ്ക്ക് പോകണമെന്ന്...എന്നാല്‍ മൈസ്സൂര്‍ വരെ എത്തിയില്ലെങ്കിലും ഇത്തവണ ഇതേ റൂട്ടിലുള്ള ഗോപാല്‍ സ്വാമിബേട്ട തിരഞ്ഞെടുക്കുന്നതിനെപ്പറ്റി രണ്ടിലൊന്ന് ആലോചിക്കേണ്ടിവന്നില്ല.
ഫോറസ്റ്റ് ഡിപ്പാര്‍ട്ട്മെന്റിന്റെ ചെക്ക്പോസ്റ്റുവരെ മാത്രമേ സഞാരികളുടെ വാഹനങ്ങളേയും അനുവദിയ്ക്കുകയുള്ളൂ… അവിടെ നിന്നും കര്‍ണ്ണാടക സര്‍ക്കരിന്റെ ബസ്സ് ഓരോ അഞ്ച് പത്ത് മിനിറ്റുകളിലും മലമുകളിലേയ്ക്ക് പുറപ്പെടുന്നു… ടിക്കറ്റ് ചാര്‍ജ്ജ് 20 രൂപ… ബസ്സ് മലമുകളിലേയ്ക്ക സാവകാശം ചുരം കയറുന്നു… മുകളിലേയ്ക്ക് കയറുന്തോറും കര്‍ണ്ണാകയിലെ ഗ്രാമങ്ങളുടേയും കൃഷിയിടങ്ങളുടേയും മനോഹരമായ കാഴ്ചകള്‍ … ചുരം കയറിച്ചെന്നപ്പോള്‍ മലഞ്ചെരുവില്‍ ഒരു കൊമ്പനാന( ഒറ്റയാന്‍)ശാന്തനായി മേയുന്നു.തിരിച്ചുവരുമ്പോള്‍ അവന്‍ കുറച്ചുകൂടി അടുത്തായതിനാല്‍ ഡ്രൈവര്‍ കുറച്ചുനേരം വണ്ടി നിര്‍ത്തിത്തന്നു.
ബന്ദിപ്പൂര്‍ ടൈഗര്‍ റിസര്‍വ്വിനകത്ത് സ്ഥിതി ചെയ്യുന്ന ക്ഷത്രനട…. നിരവധി വിശ്വാസികള്‍… വളരെയധികം സഞ്ചാരികള്‍..ക്ഷേത്രമുറ്റത്ത് വീശിയടിയ്ക്കുന്ന തണുത്തകാറ്റ് ( ചിലനേരം കോടമഞ്ഞ്)….സമീപത്തെ കുന്നിന്‍മുകളില്‍ ആനയും പുള്ളിമാനുകളും കലമാനും...ക്ഷേത്ര പരിസരത്ത് ഒരുതരത്തിലുള്ള കച്ചവടമോ സൌകര്യങ്ങളോ ഒന്നുമില്ലെങ്കിലും പ്രകൃതി നല്‍കുന്ന വിരുന്ന് അവാച്യമാണ്...തിരിച്ചിറങ്ങാന്‍ പെട്ടെന്ന് ബസ്സ് ഉണ്ടായിരുന്നതിനാലും ബന്ദിപ്പൂരില്‍ സഫാരി പ്ളാന്‍ ചെയ്തിരുന്നതിനാലും.. അധികം വൈകാതെ മടക്കം…
ബന്ദിപ്പൂര്‍ ടൈഗര്‍ റിസര്‍വ്വില്‍ 3.30- 4.30-5.30 സമയക്രമങ്ങളില്‍ നടത്തുന്ന സഫാരികളില്‍ 4.30 ന്റെ സഫാരിയില്‍ പങ്കെടുത്ത് രാത്രി പന്ത്രണ്ട് മണിയോടുകൂടി കൂറ്റനാട്ട് തിരിച്ചെത്തി.( post by Shino Jacob Koottanad - travel companion m Shanmukhan)
trip to gopalswamy betta-

Gopalaswamy Hills-Himavad Gopalaswamy Betta