എ . വി. റഷീദ് , കൂറ്റനാട്ടെ പ്രമുഖ പച്ചക്കറി വ്യാപാരകുടുംബത്തിലെ അംഗം.... ഇദ്ദേഹത്തിന്റെ കുടുംബം 40 വര്‍ഷത്തോളമായി കൂറ്റനാട്ട് പച്ചക്കറി വ്യാപാരം നടത്തുന്നു. സ്വന്തം ആവശ്യത്തിനുള്ള പച്ചക്കറിമുഴുവന്‍ മറ്റാരേക്കാളും കുറഞ്ഞ ചിലവില്‍ കടയില്‍ നിന്നും എടുത്ത് ഉപയോഗിയ്ക്കാന്‍ കഴിയുമെങ്കിലും റഷീദ് തനിയ്ക്കാവശ്യമുള്ള പച്ചക്കറി സ്വന്തം വീടിന്റെ ടെറസില്‍ കൃഷിചെയ്തുണ്ടാക്കുന്നു.കച്ചവടം ലാഭം , ലാഭം കച്ചവടം എന്ന സമവാക്യത്തില്‍ ജീവിതം തളച്ചിടുന്ന മുഖ്യധാരാ കച്ചവടക്കാരില്‍ നിന്നുംഏറെമാറിച്ചിന്തിയ്ക്കുകയാണ് റഷീദ്.ഈയൊരുകൊച്ചുകൃഷിയിടത്തില്‍ റഷീദും കുടുംബവും കണ്ടെത്തുന്നത് സാമ്പത്തിക ലാഭം മാത്രമല്ല... ആനന്ദം ,ആരോഗ്യം , നിര്‍വൃതി എന്നിവകൂടിയാണ്...പൂര്‍ണ്ണമായും ജൈവകൃഷിയിലൂടെ ഉത്പാദിപ്പിയ്ക്കുന്ന വിളകള്‍ അയല്‍പക്കങ്ങള്‍ക്ക് കൈമാറുന്നതിലും റഷീദും കുടുംബവും ആനന്ദം കണ്ടെത്തുന്നു...
ഈയൊരുവികസനമാതൃകയാണ് നാം പ്രോത്സാഹിപ്പിയ്ക്കേണ്ടത്....( റഷീദിന് ആശംസ അറിയിയ്ക്കൂ....മൊബൈല്‍ 9846316567 )
റഷിദ് തന്റെ കടയില്‍
ഇന്നത്തെനഗരവല്‍കൃത
ലോകത്തിലെ തിക്കുംതിരക്കും
ഇല്ലാത്ത , പ്രശാന്തസുന്ദരമായ
ഒരു പ്രദേശത്താണ് നാഗലശ്ശേരി
ഗവണ്‍മെന്റ് ഹൈസ്കൂളിലെ
എട്ടാം ക്ലാസ്സുകാരന്‍
അശ്വിന്‍കൃഷ്ണ താമസിയ്ക്കുന്നത്.നമ്മള്‍
കാണുന്നുണ്ട് നമ്മുടെ
സ്കൂള്‍കുട്ടികള്‍ നഗരത്തിരക്കുകളിലെ റോഡുകളില്‍ സ്കൂള്‍വാഹനങ്ങളില്‍
തിക്കിത്തിരക്കി , വാടിക്കുഴഞ്ഞ്സഞ്ചരിയ്ക്കുന്നത്...
എന്നാല്‍ അശ്വിന്‍
കൃഷ്ണ സഞ്ചരിയ്ക്കുന്നത്
പ്രകൃതിയിലെ ശാന്തസുന്ദരയായ
പ്രദേശത്തുകൂടിയാണ്...തോടും
പാടവും പാടവരമ്പും തോടിന്
കുറുകെയുള്ള പാലവും...
ഇത്
മഴക്കാലം , പ്രകൃതി
അതിന്റെ ആഘോഷത്തിലാണ്...
ഇതാ കണ്ണന്‍ (
വരാല്‍ , ബ്രാല്‍
) മീനിന്
കുഞ്ഞുങ്ങളുണ്ടായിരിയ്ക്കുന്നു...
സദാ കുഞ്ഞുങ്ങളുടെ
സംരക്ഷണത്തിനായി കുഞ്ഞുങ്ങളുടെ
കൂടെ സഞ്ചരിയ്ക്കുന്ന കണ്ണനെ
കൂറ്റനാട്ട് വിളിയ്ക്കുന്നത്
പാറ്റിയ കണ്ണന്‍ എന്നാണ്.
കണ്ണന്‍ കുഞ്ഞുങ്ങളുടെ
കുറച്ചുചിത്രങ്ങള്‍..
